සතුටින්දැයි අහන්නෙපා
අතැර ගොසින් දුක රන්දා...
හොඳින් ඉන්න කියන්නෙපා
නුඹ මා ළඟ නැති හන්දා...
සිතුවේ නුඹ ගැන පමණයි
හැමදාමත් කිව් හන්දා
මගේ හිත නුඹ වෙතම නතුව
සිනා සුනා නුඹ හන්දා...
ඒ සිනාව නුඹ අරගෙන
දුර ඈතක ගිය හන්දා
සිත සිර කර සිටියෙමි මම
මහමෙරකට දුක රන්දා..
නුඹ ආ දිනමගේ ලොවට
සැහැල්ලුවෙන් සිටි හන්දා
මෙතරම් දුක් උහුලන්නට
වන බව නොසිතුන හන්දා
නුඹ මට හිමි නොවනා බව
සිතුනේවත් නැති හින්දා
ලෙංගතු නුඹෙ සෙනේහයට
සත්තයි මා පෙම් බැන්දා..
