(නි) සසල....

 
සසල සිත නිසල කළ

අකීකරු පින්සලක් 
කාලෙකින් නොදුරු රුව

මතු කරපු අපූරුව

නිසල සිත කර සසල....           

අටවක සඳකි නුඹ....

හේන් එළවළු සුවඳ මිසක්

ගැහැණු සුවඳක් 

නුහුරු සිත ළඟ

පොළට පායපු සෙනසුරාදා

පුංචි අටවක 

සඳකි නුඹ ළඳ

රේඩියෝ චැනලයක් පරදයි

ඉස්පාසුවක් 

කොහිද කටකට

දෑත මැෂිමක් වගේ රඟදෙයි

කිරා බලමින් 

ජීවිතේ බර

තරාදිය සමබර කරන්නට

ජීවිතේ ඇති 

තුරා හැකිවෙද

කලාතුරකින් මදෙස හෙලනා

නුහුරු බැල්මේ 

කුමන අරුතද

ඉරිතලා ගිය හිත් අගිස්සට

වැටුනු අනෝරා 

වැස්ස විය නුඔ...